1501 г, августа 22 — Послание Симона митрополита всея Русии в Великую Пермь

Послание митрополита Московского и всея Руси Симона великокняжескому наместнику Великой Перми князю Матвею Михайловичу, всем мирянам и духовенству Великой Перми с предписанием строго соблюдать христианскую обрядность, не поклоняться языческому идолу Войпелю и прекратить заключение браков по «татарскому обычаю» левирата. Москва. 1501 г, августа 22.

Послание Симона митрополита всея Русии в Великую Пермь 

Благословение Симона, митрополита всея Русии, в отчину великаго государя, царя русского, о Святем Духе возлюбленнаго господина и сына нашего смирения, благороднаго и благовернаго, и христолюбиваго великого князя Иоанна Васильевича, всеа Русии самодержца, в Великую Пермь, сына моего, великого князя, слуге князю Матфею Михайловичю Пермьскому да и всем пермичем, болшим людем и меншим, мужем и женам, юношам и младенцем, всем православным християном, новопросвещеным господним людем всея области Пермьския земли. Благодать и мир вам, и милость от Господа Бога Вседржитепя и Его Пречистыя Матери Владычица нашея Богородица и Приснодевыя Мария, еже есть прибежище всем християном и пристанище тихое обуреваемым во гресех, и всем спасительное упокоение. О сем, чада, пишу вам, что есте Божиею милостию всприяли истинную православную християнскую веру греческаго закона и пришли есте от тмы на свет, от неверия в веру и от идолослужения на благочестие, и познали есте истиннаго Бога, Творца небу и земли, и всей твари, яже суть на небеси и на земли, и породилися есте в купели святым крещением во имя Отца и Сына и Святого Духа, и вы 6ы, сынове, имели велию веру к Господу Богу, Спасу нашему Исусу Христу, и Пречистой Его Богоматери, да и ко всем святым, и к церквам Божиим.

А держали бы есте веру християнскую честно и твердо, и неподвижно, а к церквам Божьим к вечерне и к заутрени, и к обедне приходите с молитвою и милостыню по силе давайте, а святого пения слушайте с страхом. А священников, игуменов и попов, и дияконов чтите и слушайте о всем и повинуйтеся им о всех духовных делех по апостольскому словеси, якоже рече: «Братья, повинуйтеся наставником вашим и покаряйтеся, тии бо бдят о душах ваших, яко слово въздати хотяще, да с радостию се творят, а не воздыхающе, понеже тии суть ходатаи к Богу о ваших прегрешениих, а по правилом святых апостол и святых отец и по нашему благословению имеют власть вязати и решати своих детей духовных. И вы бы к своим отцом духовный, к священником, на покаяние приходили почасту. А что вам заповедают держать по правилом святых апостол и святых отець пост или молитву, или ино что, и вы то приимайте с любовью и держите крепко. А во вся бы есте говения постипися и мясных брашен и мпека и яиць не ели. Также и межь говениев в среду и в пяток мяса и мпека, и яиць не ясте.

А кумиром бы есте не служили, ни треб их не приимали, ни Войпепю болвану не молитеся по древнему обычяю и всех Богу ненавидимых тризнищ не творите идолом.

Ни жените незаконных не чините боryмерскых, якоже слышу о вас, что деи у вас поимаются в племени по ветхому по татарскому обычаю: кто у вас умрет, и вторый деи его брат жену его поимает, и третьи деи брат его такожде творит. А жены ваши ходят простовласы, непокровеными главами. Ино то чините не по закону християнскому, то есть развратно вере нашой православной, и вы 6ы от сих мест напред так не чинили, как невернии чинят. А которым у вас женитися, и они 6ы женилися с благословением от священника, с обручянием и с венчанием, по закону християнскому, ни в роду, ни в племяни. А жены бы ваши имели покровены главы.

Да и о всем управлении християнском въспрашивайтеся своими отци духовными с священники, чтобы есте жили по закону великато нашего православья, занеже кто от вас незаконно что учинит, и за то Божий гнев приходит на християнство - овогда рати, иногда же глади, овогда падение человеком и скотом, сиречь смерть. И вы 6ы о всем в благочестии и в управлении были, как всяким сущии православнии християне.

А сию бы есте грамоту прочет, положили в церкви у своих отцов духовных у священников. А священники сию грамоту прочитали 6ы вам почясту на подкрепление вере християнстей божественаro закона.

А вы, вси людие Пермьския земли, сее грамоты слушайте со вниманием н творите вся повеленная спасения ради своих душь единородных и бесмертных. А священником всем великопермьским также учитепьная глагопю, чтобы есте о своем священстве и о душевней ползе, колико мочно, и о своей от Бога врученной пастве всегда попечение имели по своему священническому долry, по господню словеси, глаголющему: «Ему же бо, рече, много далься, и много взыщется от негой, да не осуждени быком пред Богом были, да возлютли быхом пред Господем Богом кииждо нас рещи: «Се яз и дети, яже ми еси дали.

А милость Божия и Пречистые Богородици, и святых великих чюдотворцов Петра и Алексея, и Леонтия, и Стефана епископа пермьскаго, и Сергия, и Кирила, и Варлаама, и всех святых молитва, и нашего смирения благословение да есть со всеми вами, с новопросвещенными господними людьми Христова стада словесных овец. Аминь.

А писана на Москве, лета седмь тысящ девятаго, августа в 22 день. 

источник: «Акты Исторические», т. I

Поделиться: