1471 г. — Грамота Великого Новгорода Двинской земле о сложении крестного целования на подданство Новгороду ряда земель, отходящих во владение великого князя Ивана III

По благословению нареченного на архиепископьство Великого Новагорода и Пскова священноинока Феофила.

От посадника степенного новугородского Тимофея Остафьевичя, и от всех старых посадников, и от тысяцкого степенного Василиа Максимовичя, и от старых тысяцких, и от бояр, и от житьих людеи, и от купцев, и от черных людеи, и ото всего Великого Новагорода, с вечя с Ярославля двора, на Пинегу, и на Кегролу, и на Чаколу, и на Пермьскые, и на Мезень, и на Пилии Горы, и на Немьюгу, и на Пинешку, и на Выю, и на Суру на Поганую к старостам и ко всем христианом. Что тые земли на Пинезе, Кегролу, и Чаколу, и Пермьские, и Мезень, и Пильи горы, и Немьюгу, и Пинешку, и Выю, и Суру Поганую поимали за себе наши братья ноугородци и васъ к целованию привели на новугородское имя, ино то земли осподы нашеи великихъ князеи, великого князя Ивана Васильевичя всея Руси и сына его великого князя Ивана Ивановичя всея Руси. А то крестное целование Новугороду с вас доловь.

Список XV—XVI вв.;

источники:

ГПБ, сборник О. IV. 14, л. 55.

Карамзин, VI, прим. 66, № 4; ААЭ, I, № 93.

Поделиться: